Ողջույն, Ես Իզաբելլան եմ, մասնագիտությամբ իրավաբան , բայց իմ հոբբին է ուսումնասիրել և սովորել նոր լեզուներ։ Վերջին վեց տարիներին աշխատել և ապրել եմ Չինաստանի տարբեր քաղաքներում, ուսումնասիրել նրանց ուսումնական մեթոդիկան և ստեղծել եմ իմ սեփական լեզուների կենտրոնը։
Քանի որ ծնվել և մեծացել եմ  Գորիսում, կցանկանայի՝ օգտագործելով բոլոր իմ փորձառության հմտությունները , բացել լեզուների կենտրոն Սյունիքի մարզի Գորիս քաղաքում, օգնել տեղացի երեխաներին, ինրպես նաև բոլոր ցանկացողներին, գտնել ամենահեշտ ձևերը՝ սովորելու ցանկացած լեզու։
Ինչու հենց լեզուների կենտրոն, քանի որ նկատել եմ,  այսօր շատերը վախենում կամ դժվարանում են նոր լեզու սովորել, իսկ դա գալիս է արտասահմանյան լեզուները ճիշտ չմատուցելուց։
Իմ ծրագիրն իրականացնելու համար ինձ անհրաժեշտ կլինի գումար տարածքի, տեխնիկայի, գույքի և մի շարք ռեսուրսների համար։
Ծրագիրս կնեռարի նաև օգնել երեխաներին ընդունվել լավագույն հայաստանյան և արտասահմանյան դպրոցներ, համալսարաններ, գտնել իրենց համար ճիշտ կրթություն։