«ՃԱՐՏ Աշխատարան»-ը ոչ ֆորմալ գործնական դասընթացների շարք է` ուղղված Հայաստանում ճարտարապետական կրթությունը բարելավելուն։ Ծրագրի կրթական նպատակն է ավելացնել ձեռքով աշխատանքի դերն ու կշիռը, զարգացնել ստեղծարարություն և ձևավորել նոր կապեր երիտասարդ և փորձառու մասնագետների միջև։ Այն նախատեսված է ճարտարապետական համալսարանում սովորող առաջին և երկրորդ կուրսեցիների, ինչպես նաև ավագ դպրոցի` ճարտարապետությամբ հետաքրքրվող աշակերտների համար։

«ՃԱՐՏ Աշխատարան»-ի առաջին թողարկման ընթացքում (որը տեղի ունեցավ նախորդ տարվա հոկտեմբեր ամսին) 19 սկսնակ և ապագա ճարտարապետներ սովորել են ճարտարապետական մասշտաբի, կաղապարագործության, ճարտարապետական լուսանկարչության, թիմային համագործակցության, հանրային ելույթների հմտություններ՝ իրենց կազմած ճարտարապետական նախագծերի գաղափարները իրականացնելու և ներկայացնելու նպատակով։

Այժմ մենք պատրաստվում ենք «ՃԱՐՏ Աշխատարան»-ի երկրորդ թողարկմանը, որը տեղի կունենա փետրավրի 19-ից մարտի 12-ը։ Աշխատարանը կավարատենք ընթացքում արված գործերի ցուցադրությամբ «Զանգակ» գրատան Աբովյան մասնաճյուղում (Երևանում)։ Ցուցահանդեսը կտևի մեկ շաբաթ և բաց կլինի բոլոր ցանկացողների համար։

«ՃԱՐՏ Աշխատարան»-ը կրելու է շարունակական բնույթ՝ լրացնելով հիմնարար գիտելիքների և գործնական հմտությունների այն բացը, որն այսօր առկա է հայաստանյան ճարտարապետական կրթության մեջ։

Ծրագիրն իրականացվում է «Ապագա Սերունդների Կոմիտե» սոցիալ-կրթական ՀԿ-ի կողմից:
Հարցերի դեպքում կարող եք գրել մեր ինստագրամյան և ֆեյսբուքյան էջերին, կամ կապվել մեզ հետ հետևյալ էլ․ հասցեով-  fgc.armenia@gmail.com